Алматының ақылы автотұрақтарда тарифтерді өзгерту жоспарлануда. LS-ке әкімдікте егжей-тегжейі айтылды.

Әкімдіктің мәліметінше, бүгінде қала бойынша сағатына 100 теңге, көк базар ауданында сағатына 150 теңге тариф сақталады.

Қазіргі уақытта Алматының бірыңғай тұрақ кеңістігінің тұжырымдамасы әзірленуде. Осы құжат шеңберінде аймақтар мен сұраныс бойынша тарифті айқындау әдістері, сондай-ақ, тұрақ кеңістіктерінің қоршаған ортаның ластану деңгейіне әсері қаралатын болады.

Әкімдіктің мәліметінше, тұжырымдаманы әзірлеу осы күзде аяқталмақ. Осыдан кейін дифференциалды тарифті бекіту бойынша рәсімдер өтеді яғни қоғамдық тыңдаулар, мәслихат, әкімдік қаулысы.

Сонымен қатар, Солтүстік айналым, Нұрлы Тау ауданындағы алаң автотұрақтарындағы кедергісіз жүйені қолдану жоспарлануда, ол фото – және бейнетіркеу арқылы кіру және шығу кезінде мемлекеттік тіркеу нөмірлік белгілерін тіркейтін болады, демек, шлагбаумдар демонтаждалатын болады.

Бұған дейін, LS редакциясы қалада көп деңгейлі автотұрақтар құру жоспары туралы хабарлаған болатын.